Wednesday, December 14, 2005

جو يدخن السوبر ويشخط:هي فوضى ؟!




فعلاً فوضى وعشان كده اخترت منة ، جسمها فوضوي جداً ، كل حتة كده يعني
____
في هذا المشهد يجب ان تبتعد راندا عن الملابس ذات الألون الغامقة ، ويفضل الأحمر ، ولا يشترط أن يكون ملعلع ، بل يفضل أن يكون باهتاً في بعض أجزائه
____
راندا : داري جمالك عن عيون الناس
لولا الملامة يا حبيبي وكلام الناس
لأحط رجلي ورجلك في قميص ولباس
وأحلفك بالأمانة ما تقول للناس
الأم : خارجة وعلى ما أرجع تكوني فرطتي البسلة
راندا : ده أنا أعملها عقد أحسن لي
____
هذا يحدث في قسم الشرطة وكل يوم ، بينما الله من فوق سبع سماوات يستقبل الموتي ويقول لملائكته انظروا إلى عبادي ، عبدوني ولم يروني .. ألا إني أشهدكم يا ملائكتي أني قد غفرت لهم
_____
في المستشفي ، تجلس زوجة الظابط ، بينما يقف يونس أمين الشرطة بجوارها
____
الزوجة : أخوه الندل قاعد يشاور عليه ويقول شوفوا أهو ميت أهو جثة هامدة .. والراجل لسه فيه نفس
يونس : الطبع غلاب يا فندم
الزوجة : قال وعاوز يورثه وهو حي ، قال ميت إكلينيكياً قال .. ابن الحافية عرف يقول إكلينيكياً
يونس : .....
الزوجة : وهو ماله ، جوزي وكاتب لي كل حاجة ، خليه يقعد يعمل لقاء مع الجماهير ، ويقول مش مسامحك يا أخويا يا ابن أمي وأبويا
يونس : جربوع يا فندم وابن جربوع ومن عيلة موغلة في الجربعة
الزوجة : لم نفسك ، انا من العيلة يا متخلف
_____
كل العالم بيروح بالشيفورليه ، واحنا قاعدين، أنا الكام فيلم الأخير حاولت أوريكم العالم وهو بيلف بالشفورليه ، بس الواضح إن احنا ما ينفعش معانا إلا ال128 ، في الفيلم ده بقى هتشوفوا ال 128 على أصولها
____
يبدو أن على منة أن تجري تمرينات لعضلات البطن ، عني مش منظر برضه
_____
راندا : قول " جينز " كده كمان مرة .. انت بتقولها حلو قوي
..... : جينز .. جينز .. جينز .. جيزن
راندا : لا ما تقفليش في النص ، أنا عاوزة عرض مستمر يا سيدي
____
فيه فرق في المعاملة وفي كل حاجة ، مع إن الاتنين ولاد ستين في سبعين ، وقال ايه بيستوردوا جثث من الصين ، مع ان جثثنا هنا مقسمة وميت فل على عشرة
____
يونس يجلس عند البقال يدخن الكليوباترا و يحكي بينما تأتي راندا ، هل كان موبايل يونس يرن ؟ .. هل كانت النغمة رقص بلدي ، هل يسمح الموقف لمنة بقصعة ونازلة وطالعة ؟ .. هذا ما سوف نشاهده وحصرياً على روتانا سينما
____
يونس : بس يا سيدي هو شاور لي قمت أنا نازل فيه ضرب ، وقلت له لو عتبت هناك تاني ،انا هقطع السكة من تحت رجليك و بعدين ..
البقال : ايه سكت ليه ؟ .. كمل
يونس : بس اطفي التسجيل ده الاول
البقال : عاوزة ايه يا رومانيا عشان أمشيك قوام
راندا : راندا ياعم راندا .. مش رومانيا
____
تشتعل الحرائق في غابا أمريكا الشمالية واستراليا بأسباب مختلفة ، يبدو أن هناك أسباباً أخرى للحرائق في عاوزينها تبقى خضرة ، الأرض اللي في الصحرا
_____
راندا : وحياة النبي ، لفضحاك يا يونس و مولعة الدنيا عليك
يونس : تولعي مين يا أمه .. ده أنا اللى هخربها عليكم بيت ، وهخص سيادة البرنسيسة بالشكر
____
هذا بينما حركة " كفاية " كانت نقوم بمظاهرة في شوارع المحروسة وكان محروس يحمل النعش
___
* فيلم " هي فوضى " .. هو فيلم يوسف شاهين للموسم القادم ، وما فوق هوتصور شخصي له

19 Comments:

At 14/12/05 13:45 , Blogger أحمد said...

علشان كدا الرجل مش بيحب اخبار افلامه تتسرب قبل العرض

 
At 14/12/05 14:09 , Blogger لـيـلـيـت said...

برافو ابليس

 
At 15/12/05 14:59 , Blogger ماشى الطريق said...

لعلمك بقى أنا دخلت الفيلم ده من سنتين
وماعجبنيش
بس لما سمعت إنه لسة هايعمله
قولت أديله فرصته

 
At 16/12/05 15:49 , Blogger واحد إفتراضي said...

حسب معلوماتي, مشهد المستشفى مسروق من فيلم "الرعشات الأخيرة لشفايف تحتضر" عن حياة الفقيد الإكسترا لارج ياسر عرفات
بالطبع تم استبدال الأسماء, ف "راندا" هو اسم مستحدث لسهى, و يونس, هو إسم الدلع لجبريل الرجوب.

على كل, شكرا على استحضار المشهد المؤثر

 
At 17/12/05 12:47 , Blogger لـيـلـيـت said...

لا لا لا
ده كده العيلة هتعمل حملة عليك
فيلم رعشات ايه وبتاع ايه يابني المشهد ده تحديداًمتمثل قدامي في مستشفي .. في القاهرة
لا تقولي عرفات ولا سها بتاعة دي كمان

 
At 17/12/05 13:11 , Anonymous Anonymous said...

وايه اللى في كلمة جينز والنبي !

 
At 21/12/05 08:35 , Blogger محمود عزت said...

فيلم رائع في الحقيقة
طول عمري بقول شاهين فنان
بس حلوة حكاية الرنة و الطالعة و النازلة دي , فكرة إعلان شديدة لـموبينيل

 
At 25/12/05 22:52 , Blogger islam yousef said...

جو بيدخن السيجار و يبوس يسرا و يقول:نظام تمام و ده هيبقى الفيلم الجديد ليوسف شاهين "نظام تمام

 
At 26/12/05 00:52 , Blogger 7UGGAG said...

انا آسف يا ستنا هعمل حركة تغيظك بس سامحيني
بالنسبة لمقالة "الحلوةدي ممكن تلحد عالصبحية" بتاريخ29 سبتمبر
انا عندي ملحوظتين صغيرين
انا قريت كتاب مافوق مبدأ اللذة وقريت كل كلام فرويد وعندي كل كتبه وحافظ 85% من كلامه عشان ده شغلي
والفقرة اللي انتي اوردتيها لايمكن ان تثبت الحاد فرويد ولا يمكن لاي قارئ حقيقي اصيل لفرويد وباحث في تاريخه ان يقول انه ملحد
" ظهرت خصائص الحياة أول ما ظهرت فى المادة الجامدة ، بفعل قوى تخفى علينا طبيعتها"
قوى تخفى علينا طبيعتها كلمة ممكن تشمل الاله في معناه الحقيقي
فتعريف الاله في بعض اللغات ينص على انه قوة تخفى علينا طبيعتها
وبعدين اولا واخيرا الجزء ده جاي في مناقشة كبيرة حول سيطرة رغبات الوت أو الحياة على الايجو طبعا انا مش هعلمك الكلام ده عشان شكلك استاذة ورئيسة قسم

المهم الله يخليك لا تنساقي وراء مقولات الجهلة وعديمي الفهم بان فرويد العظيم -رحمه الله وطيب ثراه سيدنا وتاج راسنا- هو ملحد
لانك كده بتخلي ناس ملهومش قيمة يتغوطون الكلام ولا ينطقونه من افواههم يغلطوا فيه في الكومنتات زي المتخلف اللي قال عليه معقد جنسيا ومتصوف حلوة متصوف دي كمان راجل كان مجوز 40 سنة وعنده 6 ابناء وكان على علاقة جنسية بنصف مرضاه الستات يتقال عليه متصوف حسبنا الله ونعم الوكيل

اتمنى ماكنش ضايقتك بالتعليق على مشاركة قديمة في غير موضعها بس سامحينا احنا بشر وبنغلط

 
At 28/12/05 21:23 , Anonymous عباس said...

يوسف شاهين ده خول

 
At 29/12/05 20:12 , Anonymous زبر أفندى said...

هو الواد ابليس راح فين .. النهاردة رحت العب فى طيزة مالقتوش .. حد يعرف هو بيتناك فين

 
At 29/12/05 20:50 , Anonymous Anonymous said...

حلو البلوج بتاعك اللى اسمة كسى العرش

 
At 7/1/06 02:58 , Blogger لـيـلـيـت said...

الأخوة المجاهيل دول
يا جماعة أنا قلتفيه قناة اسمها اسبيس تون
يستحسن الاطفال اللي زيكم يتفرجوا عليها
عشان يتعلموا الأخلاق الحميدة
ويخشوا الجنة
لو جيتوا هنا تاني هتخشوا النار

 
At 7/1/06 03:04 , Blogger لـيـلـيـت said...

حجاج

شوف أنا هقولك حاجة
انا ما قلتش إن السيد فرويد كان ملحد
انا مجرد استشهدت بحتة كان قالها
في تأكيد حاجة تانية

يعني انا ما يهمنيش من قريب ولا من بعيد ان فرويد يكون ملحد ولا لأ

وثم يعني لو كان فرويد ملحد
هجري بقى وأقول هيه هيه ملحد وانا كمان هلحد زيه !!

 
At 18/1/06 13:25 , Anonymous Anonymous said...

فرويد
انتى عارفاه .. ؟

 
At 21/1/06 02:25 , Blogger لـيـلـيـت said...

يا خي روح اتلهي
جتك نيلة

 
At 21/1/06 23:16 , Anonymous Anonymous said...

ياقليلة الادب يالبوة .. عارفة لو طولتى لسانك تانى هااعضك فيه ..

 
At 16/2/06 06:14 , Blogger لـيـلـيـت said...

ما تنشاس تسمع حمادة هلال
وانت بتتفرج عل جرانديزر

 
At 13/10/11 12:34 , Anonymous نادي حواء said...

شكرا على الموضوع

 

Post a Comment

Subscribe to Post Comments [Atom]

<< Home