Friday, November 11, 2005

حل لابخي جديد

في مؤخرة الرأس يوجد بضعة خلايا ، تسمى معاً اللابخ . عدد اللبيخات ، يساوي عدد النسل البشري كله . ولم يتمكن أي رسول حتى الآن من إخبارنا بالعدد المضبوط .وكل لبيخ يحمل الصفة المتفردة لإنسان ما .
الصفة المتفردة هي التي تجعله مختلفاً عن ابتسام وعن مدحت . وهي أيضاً الصفة التي سوف يحاكم على أساسها الإنسان أو بالمعنى الشائع بين معشر الحساسيك "" المحاسبة " .
يوجد نتوء يبرز فوق كتلة اللابخ من جانبه الأيمن .. وهو النتوء اللبيخ المميزلهذا الإنسان . اللابخ هو مجموع النتوءات عند النسل البشري كله .
. لذا وفرضاً أننا قطعنا هذا النتوء عن شخص ما
1_ربما قدر لنا أن نستعيد أبونا آدم الحامل لنا على ظهره لأن آدم هو مجموعنا كلنا بدون نتوء.
2_ ربما توصلنا إلى طريقة ما لزرعه ، في لابخ إنسان آخر .. ونرى ما سوف يحدث
3_ ربما إن زرعناه في غير لابخه الأصلي .. وجدنا بقية اللبيخات لا تتحمله
4_ ربما لا تتحمله لأن لها خريطة ولكل لبيخ موقعه .. واللبيخ الجديد جاء في الموقع الخطأ
5_ ربما توصلنا إلى فك رموز هذه الخريطة
6_ ربما عرفنا ترتيب الخلق ، وعرف كل واحد موقعه
7_ إعادة توزيع الكرة الأرضية تبعاً لمفهوم الخريطة اللابخية الجديدة
حل جميل .. أليس كذلك ؟

17 Comments:

At 12/11/05 05:03 , Blogger mindonna said...

يا بت يا ليليت

الشيخ مفتي الديار قال انه حرام شرعا زرع لابخ خاص لشخص في مخ شخص آخر

انتي عايزة تخربي الدنيا؟!!

 
At 12/11/05 13:44 , Blogger Pianist said...

طب هانستفيد ايه يعني؟

 
At 12/11/05 19:51 , Blogger أنا said...

علي الطلاق يا شيخه ملكي وشفعي وميري ما انا فاهم حاجة
بس اقولك ربنا ما يحكم علي لأبخ يتيم ولا يفقعلك لابخ ليوم الدين
قولي
امين

 
At 13/11/05 03:05 , Blogger Alma said...

ما المعادل لللابخ في لغة الفرنجة؟
:s

 
At 13/11/05 03:53 , Blogger ماريو said...

بس اللى اتاخد منه اللابخ بتاعه هايسكت ؟
هايعيش احسن واللا يصدعنا ويرجع يقول انا مش انا ويعملها فيلم ؟
خلاص خلاص مش مهم
اما نشوف الاول اللى اتحط لهم لابخ جديد ظروفهم ايه
منطق برضه

 
At 13/11/05 06:06 , Blogger احمد فوزى said...

دى حاجة سهلة خالص وبكده ممكن نعيش ادميتنا المهدرة المبعثرة الى طوب الالرض بيلعب ف اساسها
مخى بين ايديكى ازرعى البخى

 
At 13/11/05 12:29 , Anonymous Anonymous said...

دى حاجة تلبخ

 
At 14/11/05 19:44 , Blogger islam yousef said...

ممككن استفسر
هو يعنى اللابخ ده حاجه ضروريه اوى يعنى ممكن الإنسان ما يعيش من غيرها
و عايز أعرف كمان هى الكلمه دى عربيه و موجوده فى القواميس و اللا من إبداعك الفذ

 
At 15/11/05 03:19 , Blogger ابن مصر said...

انا خلصت علبة سجاير بحالها ولسه برضه فاتح بقي وفي حالة ذهول و لسة مش عارف انتي قصدك اية بالظبط

 
At 15/11/05 20:46 , Blogger أنا said...

تصدقوا بالله انا كنت متخيل اني انا الوحيد اللي لمؤخذه يعني لمؤخذه "مفهمش" لكن الحمد لله في رجالة ذي الفل برضه معايا
ممكن بقه يا ليليت تترجمي البتاع ده ومتنفضيش كالعادة

 
At 15/11/05 20:49 , Blogger أنا said...

سؤال بسيط للأستاذ / احمد فوزي
وحياة مامتك يا شيخ - علشان انا عارف انت بتحبها قد ايه- أفهم من تعليقك ده انك فهمت

 
At 17/11/05 11:00 , Anonymous Anonymous said...

.وكل لبيخ يحمل الصفة المتفردة لإنسان ما
معنى هذا يا ليليت ان هناك عدد كافى من الصفات المختلفة للبشر عبر آلاف السنين؟ وهل تحتسب تلك الصفات المكررة فى البشر اجمعين ؟معنى ذلك ان هناك صفات خفيه لا يعلمها ولا يحصيها مخلوق؟
الصفة المتفردة هي التي تجعله مختلفاً عن ابتسام وعن مدحت
وهل هى صفه متفردة واحدة التى تخلق الاختلاف بين ابتسام ومدحت؟
من أين جئتى بهذة المعلومات؟

 
At 19/11/05 13:47 , Blogger لـيـلـيـت said...

يا جماعة ... اللابخ ده اكتشاف شخصي
وأنا اللى مسمياه اللابخ
بما يعني ... إن فيه صفات أساسية بيشترك فيها البشر كلهم ... بس كل إنسان فيه حاجة مش عند باقي البشر كلهم
_________
احتمال إن ربنا خلقنا على شاكلته .. يعني كل الناس على بعضهم من أولهم وآخرهم لو اتجمعوا هيبقوا ربنا .. مش عاوزة تقفيل دماغ والنبي
___
بس ربنا بعتر صفات الكمال على الناس ... كل واحد ياخد تنتوفة
والتنتوفة دي هي الحاجة المختلفةعن الباقيين ,,. مع وجود بعض الصفات الثابتة الأساسية
_____
وبإقتناع البعض بما يعرف بمحاسبة الإنسان على أفعاله .. منطقي جدا أن يكون أساس المحاسبة على هذه التنتوفة
لأن المحاسبة على باقي الصفات هتكون نوع من تضييع الوقت ... كفاية محاسبة آدم على شوية الصفات دي وانتهينا
_____
كده وضحت ؟؟

 
At 25/11/05 22:47 , Blogger R said...

ـ"
بس ربنا بعتر صفات الكمال على الناس ... كل واحد ياخد تنتوفة
والتنتوفة دي هي الحاجة المختلفةعن الباقيين ,,. مع وجود بعض الصفات الثابتة الأساسية
"
دي فكرة لطيفة، وكمان ذكيّة لأنّ البشر عمرهم ما هيخاطروا بتجميع لوابخهم ليصلوا إلى الكمال.. ولهذا لسنا في الجنة بعد

 
At 25/11/05 22:47 , Blogger R said...

بس لا لباخة دماغك فعلاً...

بتلبخي ده كلّه إزاي؟

 
At 28/11/05 14:03 , Anonymous Ahmed said...

بس ربنا بعتر صفات الكمال على الناس ... كل واحد ياخد تنتوفة
فكره جديده فعلاً، هو الفكره ديه من بنات أفكارك ولا أقتبستيها من أحد الديانات القديمه؟

 
At 26/12/05 01:03 , Blogger 7UGGAG said...

انا مش راجل متعصب ولا حاجة بالعكس انا متفتح جدا بس بصراحة مكنتش اتوقع ان فيه بنت تقول الكلام المحترم ده
انتي خسارة في البلد دي
اه والله

 

Post a Comment

Subscribe to Post Comments [Atom]

<< Home