Sunday, October 30, 2005

الله يا نور نبينا يا سلام

يعني أتسربل من منبت شعري لما بعد القدم بأشبار واذرع لأذهب إلى الاعتكاف في ليلة 27 و الجنية الصفراء مصممة على نكش شعري أيضاً . لا أجد خرم إبرة ولا الإبرة نفسها . كائانت مفروشة على مسجد الحريم بالدور الثاني وامتدت ثورة الحريم إلى الدور الثالث الذي مخصص لقاعات المحاضرات وتوغل الزحف إلى السطح وأخذ الجيش في الالتصاق بالسلالم فقلت ما بك يا امرأة تقشفي فإن في التقشف بركات ولتلتصقي مع الملتصقين وقد كان . وبينما أنا منسلخة عن ربوبيتي مؤقتاً ، أجد بقية الأرباب غير راضون عن أفعالي فأتت الربة خجل لمساعدة ليليت في تحميل عربة النار
_ انتي ايه اللى جابك هنا ؟
_ مساء الفل .. اللى جابني هو اللى جابك
_ أهلاً
وبينما نحن جلوس في حضرة البلاط العاري إذ نادى منادي أن هبوا يا قوم إنه السحور .. تسحروا فإن في السحور بركة
_____
الله يا نور نبينا يا سلام ... نوءة بدر منور وسط إجوازها ياسلام
_____
وصف سريع لمجمع الكائنات المفروش على قاعة المحاضرات : الأطفال البعض يلعب استغماية والبعض مدفوس أسفل البطاطين منثورين كرشة الملح على طبق اليوم . النساء في ( دودودودو) مستمر . الفتيات يقمن بالخدمة بالشاي والمهلبية والبسبوسة والكنافة وكل ما اشتهته البطون المعتكفة في بيت الله .
____
ولكن يبدو أن الباشا قد غضب من البنية فأمر عثمان بأن يحدف لها هلاهيلها من الشباك
___
وهكذا أحبائي الصغار يجب أن نأخد حذرنا .. فعثمان به سم قاتل . فإن كان ولابد فاعلاً فلتمسح الشيكولاتة أو كما ينطقها المتحذلقة الفرنجة شيكولات ، من على وجه عثمان .. فربما وجدته من السكان الفرعيون لفرنسا اللاتينية .
____
الدكتورة علا بتقولك .. هاتي كيس من الأكياس اللى علىشوال البصل عشان نفرغ فيها الشيكولاتة اللى هتتوزع على الناس .

14 Comments:

At 30/10/05 11:53 , Blogger نــــــــدي said...

والربه ليلت والربه خجل ايضا يشاركون ليلة القدر
لا اعلم ربي اين انا منها
الله اما قرب ليلتي
وحقق سعادتي
واحرق شهوتي
وابطن عميتي
واستجب لدعوتي

 
At 31/10/05 08:39 , Blogger خجل said...

لا لا كذابه

الدكتوره منى بتقولك حاتي (كيسين) من عل (السبت)بتاع البصل عشان نفرغ.........


لازم في الحالات دي نتحرى الصدق

لكن انا مستغربه ازاي بعد الدبوس المحترم اللي شفطناه ..قدرتي تصلي الوتر؟؟

 
At 31/10/05 15:11 , Blogger Nightlegend said...

بجد انتو التلاتة حاجة مش ممكنة.

ملصق : أختاه الحجاب يرفع من ثمنك ... إمضاء .. شباب

نفس القلية المتخلفة بتاعة الملصقات,كان كل المحجبات محترمين وكل السفرات زى مابيسموهم الناس دى قلالات الأدب مثلا,مش العارف الناس دى هتبطل امتى تحكم على البنات من لبسهم.

 
At 31/10/05 23:23 , Blogger زرقاء اليمامة said...

لا حقيقى اخص عليكم مش عارفين تعزمونى اليوم ده عندكم

ده كل ابداعنا التاريخى كان هيطلع فى اليوم ده

يلا كل سنة وانتم طيبين واعاده الله عليكم بالهبل والابداع والدماغ العالية

 
At 1/11/05 02:37 , Blogger راضى said...

هههههههه
طيب وانتى ايه اللى خلاكى تروحى هناك من اصله
اكيد فاتتك عربة النار

 
At 4/11/05 09:21 , Blogger أنا said...

بدئت اتخنق
شامم ريحة مش لطيفة
::::
ملصق : أختاه الحجاب يرفع من ثمنك ... إمضاء .. شباب
::::
شفتها يا ستي واقفة بالطرحة الصغيرة اللى هي بتلبسهادي .. وبعدين جه نار من السما ... وقالها أنا رسول الله ...اطيعي الله .. الله يحبك هو ورسوله .. ولكن أكملى طاعتك بلبس الخمار!!!
::::
نو كومنت

 
At 6/11/05 09:06 , Blogger نــــــــدي said...

ونو كومنت ليه؟؟؟؟
دا احنا نعلق ونفرفش كدا
احنا هنلاقي مسرحيه احسن من كدا ونضحك
والا ايه يا مجاهد
واعى تقول دي مؤامره

 
At 7/11/05 01:21 , Blogger Alma said...

هناك نص سردي جميل للمغربي محمد أسليم. ربّما لأنه دخل دماغي، فأشكرك، ليليث، و بقية العواطلية، على الشريط حول الإصبع!

طابت أيامكن - إنكلودينغ الأعياد

 
At 7/11/05 03:45 , Blogger ماريو said...

دا ايه الدماغ العالية دى
احلى صباح

 
At 8/11/05 01:37 , Blogger أنا said...

الكومنت وصل يا معلم:-
"فيونكتي"
الواد ابليس هياكل دماغك بموضوع نظرية المؤمرة ده..مش عيب علي فالنتينا برضه
الحكاية كلها ان بلاعة الولية ام هدي جارتنا كانت مسدودة ومغرقة الشارع
قامت أبلتك هدي بقه خرجت علشان تسلك البلاعة
أسبها يعني واقعد اعلقلكم
ودي تيجي!!؟
طبعا خرجت اتفرج
::::::
اما بخصوص المسرحية الدادية ديه فانا بعتذر للرب العاطل وبقوله يا سيدي متزعلش خد ديه علشان خطرك
ههههههههههه

 
At 6/2/09 04:07 , Anonymous Anonymous said...

بدايه كده دى طريقه كلام واحده معقده نفسيا فاكره ان دى شطاره وذكاء لا وتقولى انك مش مهتمه بحقوق المراه مع ان دى عقدتك الى بتحركك اسمك لوحده بيدل على كده انتى نفسك حد يعبرك وجنونك وصلك ان هى دى الطريقه وعقدتك خدتك للكفر والاستهزاء بالدين اما الى معاكى دول فهما شويه صيع جهله
وانا مش كاتب الكلام وبوجهه ليكى انتى انا كاتب الكلام ده عشان لما حد يدخل ويشوف هبلك ده يلاقى الرد بتاعى

 
At 7/2/09 00:40 , Anonymous loka said...

طب ليه كدة يا شرموطة مهو المشكلة معرفش اغلط فى دينك لانه حرام لو كان ليكى دين اساسا عيلة بنت متناكة صحيح

 
At 14/10/09 23:23 , Anonymous Anonymous said...

تحياتي للأخت ليليت
أود فقط أن اسألك هل الديانة اليهودية فيها ليلة القدر ؟ وياريت ياعزيزتي تعطيني كل المعلومات المترتبة حولها
السؤال ال2 عندي ، ان ليليت قد هربت الى البحر الأحمر ولم تتزوج، فهل عندكِ انت نفس الموقف من الزواج؟ معلش عزيزتي كمان تسمحيلي بسؤال 3 : ايه قصة النجمة ام بوز، و سعاد، وكوكب عطارد، ونكش الشعر "الى ماذا يرمز عندكم"
على فكرة انا ساعات كتير بسمي نفسي ليليت وبتعامل باسم ليليت حتى قبل ما اطلع عل موقعك ده
ارجو الاجابة مع خالص تحياتي

 
At 16/10/09 23:37 , Anonymous Anonymous said...

انا بانتظار الاجابة يا اخت ليليت

 

Post a Comment

Subscribe to Post Comments [Atom]

<< Home