Saturday, September 24, 2005

اتفرج ع الحلاوة .. حلاوة

بعيدا عن الكلام الكبير ... ولكن .. بعد أن كانت أسماء المحال فى الأفلام القديمة " فتحية العمشة " ، و" زوزو كوارع " .. أصبحت الآن " بقالة الأمانة " .. و " سوبر ماركت الإيمان " .. واتفرج على الحلاوة .. حلاوة .
_________
توضيح : أتكلم عن الأفلام و جوّها

10 Comments:

At 25/9/05 00:39 , Blogger Guevara said...

و الله شفت محل مكتوب عليه (مكتب الحور العين) طلع مكتب تصميمات هندسية .. أنا طبعاً افتكرته حاجة تانية

 
At 25/9/05 01:47 , Blogger hesterua said...

طب وايه المانع؟

ليه الأسلوب الهجومى؟
او التهكمى؟

هو يسمى المحل اللى هو عاوزه
و انت تشترى من اللى انتى عايزاه

 
At 26/9/05 05:46 , Blogger Geronimo said...

الأسامي مش مقياس بدليل ان مطعمي المفضل عربية الكبدة بتاعة عبده تسمم وسجق هوهو ..... وكمان من عند الجحش والأهطل .... اما بقة بقالة الامانة وخردوات الاخلاص ... فهي مجرد دعاية لقيم مندثرة ....
ودمتم

 
At 26/9/05 09:36 , Blogger لـيـلـيـت said...

عجبنى أوى يا جيفارا اسم المحل ده
___
امال يا ست جيرونيمو أنا بتكلم على ايه ؟
ما أنا قصدى كده يا بنتى

 
At 27/9/05 09:51 , Blogger ايمان said...

الأسامي بتعكس حالة و ثقافة مجتمع، و تظهر ما يحاول المجتمع أن يضعه في إطار خاص ليدلل به عن هوية أو يروج به لأفكار ما
أنا شخصيا مقتنعة ان الأسماء لها مدلول لفكر جماعي، فمثلا في الأربعينيات و ما حولها كان للأسماء الأوروبية مكان واضح، وبعد الانقلاب العسكري اليوليوي كان تمصير و تعريب الاسماء انعكاس لاتجاه قومي، و هكذا
و اليوم ينتشر بشكل يكاد يكون نفاقا و ادعاء و تمسحا بالدين، مثل كل تفاصيل حياة المجتمع اليوم، موجة الأسماء الدينية من أول سلسلة عباد الرحمن و الهدي و البركة و الإيمان إلي فراخ الإسلام (رأيتها بعيني)

 
At 27/9/05 17:56 , Blogger أحمد said...

في محل في وسط البلد
اسمه



بسم الله الرحمن الرحيم .. ماركت

 
At 28/9/05 14:54 , Blogger Ahmed Shokeir said...

أحلى سندوتشات كبده من عند ..عزت باىباى
وطبعا من الأسم باين إيه اللى هايجرالك بعد الأكل

 
At 29/9/05 03:27 , Blogger Socrates said...

فيه كاتبة اسلامية شهيرة مسمية القط بتاعها
"خير انشاء الله"

بجد صعب عليَ هذا القط

 
At 30/9/05 08:04 , Blogger راضى said...

وفى محل ملابس فى محطة الرمل اسمه
على بركة الله
وبتاع عصير اسمه
فصبر جميل
و محل سيراميك
المحمدية
ومحل عمرى ما شفته فاتح
اسمه
حسبى الله ونعم الوكيل
اول شارع الغرفة التجارية بالمنشية

 
At 2/10/05 00:32 , Blogger Tarek said...

معظم المحلات في الأفلام القديمة كان إسمها X العائلات
جزارة العئلات و مكوجي العائلات إلخ
مش عارف إشمعني

 

Post a Comment

Subscribe to Post Comments [Atom]

<< Home